Pages

 

Wednesday, July 13, 2011

කවුද මේ කුම්භකර්ණ කියන්නේ???????

සාමාන්‍යයෙන් වැඩිපුර නිදා ගන්න කැමති කෙනෙක්ට කුම්භකර්ණයෙක් කියල කියන එක අපේ අතීතයෙ ඉඳන් පැවතෙන දෙයක්නෙ. ඒත් ඇත්තටම කාටද මේ කුම්භකර්ණ කියන්නෙ කියලයි අද බදුලු පුත්‍රයා කියන්න යන්නෙ. සමහරු නම් (ඔය කිවුවට හැමෝම වගේ) අහලත් ඇති කුම්භකර්ණ ගැන. අහල තියෙන අයටයි නැති අයටයි හැමෝටම දැන ගන්නත් එක්ක පොඩ්ඩක් කියවල බලන්නකෝ.
කුම්භකර්ණ ගැනත් මුලින්ම සඳහනක් වෙන්නේ රාමායනයෙයි. රාවණ රජතුමාගේ බාල සහෝදරය තමයි කුම්භකර්ණ කියන්නෙ. අති විශාල ශරීරයක් තිබුනු කෙනෙක් තමයි කුම්භකර්ණ (යෝධයෙක් විදියටයි හැන්දින්වෙන්නෙ) ඉතින් ඔහු අතට අහුවෙන ඕනිම දෙයක් ගිල දමනවලු බඩගින්න නිසා. කුම්භකර්ණ මිනිසුන්ට කරදර කිරීම නිසා ඉන්ද්‍ර (දෙවියන්ගෙ නායකයා) කෝපයෙනුයි ඉඳල තියෙන්නෙ. ඒ නිසාම කුම්භකර්ණව පරාජය කරල විනාශ කරන්න ඉන්ද්‍ර ඔහුට පහර දීල තියෙනව. ඉන්ද්‍ර තමන්ගෙ සෙන්කෝලයෙන් (යගදාව) කුම්භකරණට ගහල තියෙනව කුම්භකර්ණ ක්ෂනිකව මේක ගිල දාල තියෙනව.ඒත් එක්කම කුම්භකර්ණ ඉදිරියට ඇවිත් ඉන්ද්‍ර ඉඳගෙන හිටපු ඇතාගෙ හොඬවැලෙන් අල්ලල ඈතට විසික් කරල තියෙනව. ඉතින් ඉන්ද්‍රවත් මේ විදිහට පරාජය කරන්න පුලුවන් කෙනෙක් තමයි කුම්භකර්ණ.
කොහොමහරි රාවණා රජතුමාට තමන්ගේ බලය වැඩි කරගන්න ඕනිවෙලා තියෙනව තුන් ලෝකයම තමන් යටතට ගන්න. ඉතින් ඒකට බ්‍රහ්ම වෙනුවෙන් යාඥා කරන්න ඔහු තීරනය කරල විභීශනත් කුම්භකර්ණත් එක්ක භාවනා කරන්න පටන් අරගෙන තියෙනවා. අවසානයේදි බ්‍රහ්ම ඔවුන් ගැන පැහැදිලා ඔවුන් කැමති දේවල් වරයන් විදිහට ඉල්ලන්න කියල තියෙනව. ඔය වෙලාවෙදි රාවණ ඉල්ලල තියෙන්න තමන්ට තුන් ලෝකයම යටත් කරගන්න බලයක් දෙන්න කියලයි.ඒ වරය බ්‍රහ්ම දීල තියෙනව. මෙතනදි ඉන්ද්‍ර හිතල තියෙනව කුම්භකර්ණටත් මේ විදිහෙම බලයක් දුන්නොත් එහෙම ඔහුව ලේසියෙන් පරාජය කරන්න බැරි වෙනව කියල. ඒ නිසා ඔහු සරස්වතී ලඟට ගිහින් මේ ගැන කියල මෝඩ විදිහෙ වරයක් ඉල්ලන්න කුම්භකර්ණව පොළඹවන්න කියල ඉල්ලීමක් කරල තියෙනව. ඉතින් කුම්භකර්ණ තමන්ගෙ වරය කියද්දි සරස්වතී විසින් ඔහුව පොළඹවල තියෙනව තමන්ට හැමදාම නිදාගෙන ඉන්න ඕනි කියල ඉල්ලන්න. මේ වරයත් බ්‍රහ්ම විසින් ඉටුකරල දීල තියෙනව. හැබැයි රාවණ මේ ගැන කලබල වෙලා තියෙනව මොකද ඔහුට කුම්භකර්ණගෙ සහයෝගය අනිවාරයයෙන්ම ඕනි නිසා. රාවණ ඉල්ලීමක් කරල තියෙනව බ්‍රහ්මගෙන් කුම්භකර්ණට දීපු වරය ඉවත් කරන්න කියල ඒත් බ්‍රහ්ම ඒක ප්‍රතික්ෂේප කරල තියෙනව. කොහොමහරි රාවණගේ ඉල්ලීම නිසා කුම්භකර්ණට මාස හයකට එක දවසක් ඇහැරල ඉන්න විදිහට වරය වෙනස් කරල තියෙනව. ඒ වගේම තමයි ඒ අතරතුර කවුරුහරි ඔහුව ඇහැරුවොත් ඔහුගේ ජීවිතයට අනතුරක් කියලත් බ්‍රහ්ම කියල තියෙනව. කුම්භකර්ණ ඔන්න ඔය විදිහට තමයි කුම්භකර්ණයෙක් උනේ.

රාම-රාවණ යුද්දෙදි රාවණ රජතුමාට කුම්භකර්ණගෙ සහයෝගය අවශ්‍යම වෙලා තියෙනව. ඉතින් කොහොමහරි කුම්භකර්ණව නින්දෙන් නැගිට්ටවන්න ඔහුට හැකිවෙලා තියෙනව. ඔහුට මේ යුද්දය ගැන කිවුවයෙන් පස්සෙ තමන්ගේ රටට තියෙන ආදරයත්, සොහොයුරාට තියෙන භක්තියත් නිසා කුම්භකර්ණ යුද්දයට යන්න ඉදිරිපත් වෙලා තියෙනව. කුම්භකර්ණට විවිධ වේෂයන් ගන්න පුලුවන් වීම නිසාත් තමන්ව තැන් ගනනාවක මවන්න තිබුනු හැකියාවත් නිසා රාමට අපහසු වෙලා තියෙනව ඇත්ත කුම්භකර්ණට පහර දෙන්න. ඒ වගේම තමයි කුම්භකර්ණ ගිනි වර්ෂාවක්, කලුගල් වර්ෂාවක් ඇතිකරල තියෙනව රාමගේ සේනාවට පහර දෙන්න.

මේවායෙන් රාමගේ සේනාව විශාල වශයෙන් විනාශ වෙලා තියෙනව. අවසානයේදී රාමා තමන් සතුව තිබු ප්‍රභලතම ඊතලයක් පාවිච්චි කරල තමයි කුම්භකර්ණව විනාශ කරල තියෙන්නෙ.
රාමායනයේ සඳහන් වෙන විදිහට නම් කුම්භකර්ණ කියන්නෙ බොහොම හොඳ හිතක් තිබුනු කෙනෙක්. ඔහු මුලින් රාවණට කියල තියෙනව යුද්ද කරන එක නතර කරල රාමගෙන් සමාව ගන්න කියල. කොහොමවුනත් රාමයනය ලියද්දි වාල්මිකි විසින් රාමට තරමක් හෝ පක්ෂපාති අයව හොඳ පුද්ගලයන් කරල තියෙන නිසා මෙහෙම ලියවුනා වෙන්නත් පුලුවන්. විභීෂනව හොඳ පුද්ගලයෙක් කරල තියෙන්නෙත් ඔය හේතුව නිසාමනෙ. කොහොම උනත් තමන්ගේ රටට, සහෝදරයට පක්ෂපාතී වෙලා වැඩකරපු කුම්භකර්ණ විභීෂනට වඩානම් රට ජාතිය ගැන කැක්කුමක් තිබ්බ පුද්ගලයෙක් කියලයි බදුලු පුත්‍රයටනම් හිතෙන්නෙ. ඔන්න ඕකයි අපි වැඩිපුර නිදාගන්න කෙනෙකුට කුම්භකර්ණයෙක් කියල කියන්නෙ..

5 comments:

  1. @ sarasaviya: Any corrections are really welcome and appreciates....so please make corrections..Thanks!

    ReplyDelete
  2. these myths have came from India, and i can see lot of Hinduism here, these are myths and we know for sure ravana, kumbakarna were not bad guys as mentioned in ramayanaya

    ReplyDelete
  3. @ pubudu86: yep..that's why I said that "වාල්මිකි විසින් රාමට තරමක් හෝ පක්ෂපාති අයව හොඳ පුද්ගලයන් කරල තියෙන....." BTW this story was based on ramayana. We all know rawana, kumbhakarna were not bad guys. and I hope u didn't see my prior article සැබෑම දුෂ්ඨයා රාමා ද? රාවණ ද?

    ReplyDelete
  4. හොද ලිපි මාලාවක් අපි බලනවා දිගටම ලියන්න

    ReplyDelete